Category: پاکستان
Published on 15 September 2017

امیرمقام کا عمران خان اور پرویز خٹک کو ہتک عزت کا نوٹس

پشاور: 

وزیراعظم كے مشیر امیر مقام نے چیرمین تحریک انصاف عمران خان اور وزیراعلیٰ کے پی کے پرویز خٹک کو 50 کروڑ روپے کا ہتک عزت کا نوٹس بھجوادیا ہے۔

 

وزیراعظم كے مشیر اور مسلم لیگ (ن) خیبرپختونخوا كے صوبائی صدر امیر مقام نے تحریک انصاف كے چیرمین عمران خان اور وزیراعلیٰ خیبرپختونخوا پرویز خٹک كو  50،50 كروڑ روپے كے ہتک عزت كے نوٹس بھجوا دییے ہیں، نوٹس میں موقف اختیار کیا گیا ہے کہ عمران خان اور پرویزخٹک غیر حقیقت پر مبنی اور من گھڑت بیانات واپس لیتے ہوئے 14 دن كے اندر اندرغیرمشروط معافی مانگیں  ورنہ ان كے خلاف مزید قانونی چارہ جوئی عمل میں لائی جائیگی۔

امیر مقام كی جانب سے بھجوائے گئے قانونی نوٹس میں كہا گیا ہے کہ عمران خان نے 3 اگست2017 كو نجی ٹی وی انٹرویو میں امیر مقام پر جھوٹے، بے بنیاد، من گھڑت اور توہین آمیز الزامات عائد كركے ان كی شہرت اور سیاسی ساكھ كو ناقابل تلافی نقصان پہنچایا، عائشہ گلالئی كے الزامات كے جواب میں  عمران خان نے جھوٹ بولا كہ اس سب كے پیچھے امیر مقام ہے جب کہ پرویز خٹک نے بیان دیا كہ عائشہ گلالئی كو امیر مقام نے پی ٹی آئی كی بدنامی كیلئے خریدا ہے۔

ADVERTISEMENT

Category: پاکستان
Published on 27 August 2017

جھنگ میں تھانے کے اندر خود سوزی کرنے والا شخص جاں بحق

جھنگ: 

تھانہ اٹھارہ ہزاری میں بیوی کے ساتھ زیادتی کے ملزمان کو رہا کرنے پر احتجاجاً خود سوزی کرنے والا صفدر نامی شخص جان کی بازی ہار گیا۔

 

 جھنگ میں تھانہ اٹھارہ ہزاری میں پولیس کے رویئے سے تنگ آکر خود سوزی کرنے والا شخص جاں بحق ہوگیا ہے۔ پولیس کی زیادتیوں اور بااثر ملزمان کو رشوت لے کر رہا کرنے کے خلاف ہلاک شخص کے لواحقین نے احتجاج کرکے سڑک بلاک کردی جس کے نتیجے میں ٹریفک جام ہوگیا۔

5 مرلہ اسکیم جبوآنہ کے رہائشی صفدر نے چند روز قبل تھانہ اٹھارہ ہزاری میں اپنی بیوی سے زیادتی کرنے والے افراد کے خلاف درخواست دی تھی، تاہم مبینہ طور پر پولیس حکام نے ملزمان کے خلاف کوئی کارروائی نہ کی جب کہ گرفتار ملزمان کو رشوت کے عوض رہا کردیا گیا جس پر صفدر نے دلبرداشتہ ہوکر خود پر پیٹرول چھڑک کر تھانے کے اندر ہی خود کو آگ لگا دی۔

ADVERTISEMENT
 
 

 

ریسکیوذرائع کا کہنا ہے کہ واقعے کی اطلاع ملتے ہی صفدر کو  ٹی ایچ کیو ہسپتال 18ہزاری منتقل کیا گیا لیکن حالت مزید بگڑنے پر ڈی ایچ کیو اسپتال جھنگ منتقل کر دیا گیا تھا تاہم خود سوزی کرنے والا شخص صفدرجانبر نہ ہوسکا اور جان کی بازی ہار گیا۔

 وزیراعلیٰ پنجاب شہبازشریف نے واقعے کا نوٹس لیتے ہوئے جاں بحق صفدر کی درخواست پر کارروائی نہ کرنے والے ایس ایچ او تھانہ اٹھارہ ہزاری اور تحقیقاتی افسر کے خلاف کارروائی کا حکم دے دیا ہے۔


Category: پاکستان
Published on 23 August 2017

دوستوں سے شرط لگا کر دریا میں کودنے والے نوجوان کی لاش مل گئی

ایبٹ آباد: 

دوستوں سے شرط لگا کر دریا میں چھلانگ لگا کر ڈوبنے والے نواجوان کی لاش دریائے جہلم سے نکال لی گئی۔ 19 سالہ علی ابرار کی لاش ریسکیو 1122 کوٹلی ستیاں سیکشن کے اہلکاروں نے تلاش کی جسے ایبٹ آباد پولیس کے حوالے کیا جب کہ پولیس نے ضابطے کی کارروائی کے بعد لاش ورثاء کے حوالے کر دی۔

Category: پاکستان
Published on 13 August 2017

چترال میں نئی قدرتی جھیل "بشقارگول" دریافت

ضلع چترال میں  نئی قدرتی جھیل “بشقارگول” دریافت ہوئی جو بہت خوبصورت ہے تاہم اس جھیل تک پہنچنا  انتہائی مشکل کام ہے لیکن ناممکن نہیں۔

 

خیبرپختونخوا کے ضلع چترال میں “بشقار گول قدرتی جھیل دریافت ہوئی ہے۔ اس جنت ارضی تک پہنچنے کے لیے پہلے چترال سے شندور جاتے ہوئے آخری آبادی ‘سورلاسپور’ جانا  پڑتا ہے۔ اس وادی کے سبزہ زاروں میں  خوبصورت آبشاریں، گنگناتے جھرنے، قدرتی چشمے، خوش رنگ پھول اورجنگلی پھل بھی دیکھنے کو ملتے ہیں۔

سورلاسپورسے بشقارگول جھیل تک 30 کلومیٹر پیدل چلنا پڑتا ہے، بلندیوں تک پہنچنے کے لیے راستے میں جنگل، اونچی اور مشکل ترین ڈھلوانوں اوریخ بستہ دریا کو پارکرنا ہوگا۔ اس جھیل کے پانی میں قدرت کی خوبصورت مچھلیاں براون ٹراوٹ اورریمبو ٹراوٹ کثرت سے پائی جاتی ہیں جوسیاح شوق سے کھاتے ہیں۔

ADVERTISEMENT
 
 
 

 

بشقارگول جھیل کا شفاف ترین سبزی مائل پانی کا منظرسفر کی ساری تھکاوٹ دور کردیتا ہے، یہ جھیل ہندوکش پہاڑی سلسلے میں سطح سمندرسے تقریبا 10 ہزار500 فٹ کی بلندی پرواقع  ہے اوراس کے اطراف میں برفانی چیتے، آئی بیکس، بھورے ریچھ  اوربھیڑئیے بھی پائے جاتے ہیں۔

Category: پاکستان
Published on 20 July 2017

پاک فوج نے بھارت کیجانب سے شہری آبادی کو نشانہ بنانے کے الزام کومسترد کردیا

اولپنڈی: 

پاک فوج نے بھارت کی جانب سے شہری آبادی کو نشانہ بنانے کے الزام کو سختی مسترد کرتے ہوئے کہا ہے کہ پاک فوج انتہائی پیشہ ور فوج ہے اور اس عمل کو غیر اخلاقی تصور کرتی ہے۔

 

پاک فوج کے شعبہ تعلقات عامہ انٹرسروسز پبلک ریلیشنز (آئی ایس پی آر) کی جانب سے جاری بیان کے مطابق ایل او سی پر کشیدگی کے پیش نظر بھارتی فوج کی درخواست پر پاک بھارت ڈی جی ایم اوز کے درمیان ہاٹ لائن پر خصوصی رابطہ ہوا جس میں بھارتی ڈی جی ایم او نے الزام عائد کیا کہ پاک فوج مقبوضہ کشمیر میں شہری آبادی کو نشانہ بنارہی ہے تاہم پاک فوج نے بھارت کے اس الزام کو یکسر مسترد کردیا۔

ڈی جی آئی ایس پی آر کی جانب سے جاری بیان میں کہا گیا کہ پاکستان آرمی انتہائی پروفیشنل فوج ہے اور عام شہریوں کو نشانہ بنانے کے عمل کو انتہائی غیر اخلاقی تصور کرتی ہے جب کہ لائن آف کنٹرول کی دوسری جانب بھی ہمارے اپنے پاکستانی کشمیری ہی بستے ہیں۔ انہوں نے مزید کہا کہ پاک فوج بھارت کی صرف ان چوکیوں کو ہی نشانہ بناتی ہے جہاں سے بے گناہ شہریوں پر فائرنگ کا سلسلہ شروع ہوتا ہے۔

Category: پاکستان
Published on 28 August 2015

خطے میں امن کی کوششیں جاری رکھیں گے مگر کسی کی اجارہ داری یا تسلط قبول نہیں، چوہدری نثار

لندن: وزیر داخلہ چوہدری نثار کا کہنا ہے کہ پاکستان خطے میں امن کے قیام کے لیے اپنی کوششیں جاری رکھے گا مگر کسی ملک کی اجارہ داری یا تسلط قبول نہیں کیا جائے گا جب کہ بھارت کو سمجھنا ہوگا کہ مسئلہ کشمیر کے بغیر مذاکرات کا عمل آگے نہیں بڑھ سکتا۔

لندن میں وزیر داخلہ چوہدری نثار نے برطانوی وزیر خارجہ فلپ ہیمنڈ سے ملاقات کی جس میں دونوں ممالک کے درمیان دوطرفہ تعلقات سمیت دیگر امور پر تبادلہ خیال کیا گیا اس دوران برطانوی وزیر خارجہ  نے خطے میں پاکستان کی امن کی کوششوں کی تعریف کرتے ہوئے کہا کہ برطانیہ وزیر اعظم نواز شریف کے امن کے ویژن کا اعتراف کرتا ہے اورافغانستان میں مذاکرات کے عمل کو آگے بڑھانے کے لیے پاکستان کے کردار کو بھی سراہتے ہیں۔ انہوں نے کہا کہ افغانستان میں مذاکراتی عمل میں کوئی خلل نہیں آئی گا اور یہ عمل مزید آگے بڑھایا جائے گا۔ برطانوی وزیر خارجہ سے ملاقات میں چوہدری نثار کا کہنا تھا کہ پاکستان برطانیہ کے ساتھ اپنے دوستانہ تعلقات کو بہت اہمیت دیتا ہے، دونوں ممالک کے تعلقات میں کسی قسم کی غلط فہمی کی نہ تو کوئی گنجائش ہے اور نہ ہم آنے دیں گے۔

برطانوی وزیر خارجہ نے پاکستان اور بھارت کے درمیان مسائل کا حل بات چیت کے ذریعے نکالنے پر بھی زور دیا جس پر وزیر داخلہ چوہدری نثار کا کہنا تھا کہ بھارت کی عجیب منطق ہے کہ وہ بنیادی مسئلہ کشمیر پر بات سے انکاری ہے اور چاہتا ہے کہ کشمیری رہنماؤں اورمسئلہ کشمیر کا نام ہی نہ لیا جائے لیکن یہ صورتحال پاکستان کے لیے ناقابل قبول ہے اسی لیے بھارت کو سمجھنا ہوگا کہ مسئلہ کشمیر پر بات چیت کے بغیر مذاکرات کا عمل آگے نہیں بڑھ سکتا۔

چوہدری نثار نے کہا کہ پاکستانی حکومت اور اس کے دفاعی اداروں نے مل کرافغانستان میں ڈائیلاگ اور بات چیت کی راہ ہموار کر کے نا ممکن کو ممکن بنایا لیکن ہر مسئلے پر بلا جواز پاکستان کو تنقید کا نشانہ بنانا اور کٹہرے میں کھڑا کرنا کسی صورت قبول نہیں ہے۔ انہوں نے کہا کہ خطے کے دوسرے ممالک کو اپنی کمزوریوں اور کوتاہیوں کا بوجھ پاکستان پر ڈالنے سے اجتناب کرنا ہوگا، پاکستان خطے میں امن کے قیام کے لیے اپنی کوششیں جاری رکھے گا مگر کسی ملک کی اجارہ داری یا تسلط قبول نہیں کیا جائے گا۔


Category: پاکستان
Published on 13 August 2017

آرمی چیف نے واہگہ بارڈر پر ایشیا کا سب سے بلند پرچم لہرا دیا

آرمی چیف نے واہگہ بارڈر پر ایشیا کا سب سے بلند پرچم لہرا دیا

پرچم کے سب سے اوپری کنارے پر ’’اللہ اکبر‘‘ بھی کندہ ہے ۔ فوٹو: فائل

پرچم 400 فٹ بلند اور 120 فٹ لمبا ہے جب کہ اس کی چوڑائی 80 فٹ ہے

Category: پاکستان
Published on 13 August 2017

نوازشریف ڈرامہ رچا کر اپنے جرم چھپانا چاہتے ہیں، بلاول بھٹو زرداری

چنیوٹ: 

چئیرمین پیپلزپارٹی بلاول بھٹو زرداری کا کہنا ہے کہ مجھے علم نہیں نوازشریف کیا کرنا چاہتے ہیں لیکن وہ ڈرامہ رچا کر اپنے جرم چھپانا چاہتے ہیں۔

 

چنیوٹ میں میڈیا سے بات کرتے ہوئے بلاول بھٹو زرداری کا کہنا تھا کہ ملک میں گزشتہ 4 برس سے نیشنل ایکشن پلان پر کوئی عملدرآمد نہیں ہوا جس کی وجہ حکومت کی ناقص پالیسیاں اور غلط افراد کا چناؤ ہے اللہ کا شکر ہے کہ چوہدری نثار نے وزارت داخلہ کو خیر باد کہا۔

اس خبرکوبھی پڑھیں: اقتدار سے جاتے ہی نوازشریف کو جمہوریت یاد آجاتی ہے

ADVERTISEMENT
 
 
 
 
Ad

 

چئیرمین پیپلزپارٹی کا کہنا تھا کہ نوازشریف جب سے اپنے عہدے سے برطرف ہوئے انہیں پارلیمنٹ کی یاد آرہی ہے اور وہ حکومت میں رہ کر بھی اپوزیشن کرنا چاہتے ہیں، مجھے پتا نہیں وہ کیا چاہتے ہیں لیکن اتنا ضرور ہے کہ وہ ڈراما رچا کر اپنا جرم چھپانے کی کوشش میں ہیں۔

 

Category: پاکستان
Published on 22 September 2015

عمران خان کابڈھ بیر کیمپ پر حملے کے زخمیوں کی عیادت کے لیے سی سیم ایچ پشاور کا دورہ

پشاور: پی ٹی آئی چئیرمین عمران خان بڈھ بیر حملے میں ہونے والے زخمیوں کی عیادت کے لیے سی ایم ایچ پہنچ گئے۔

ایکسپریس نیوز کے مطابق تحریک انصاف کے چئیرمین عمران خان، وزیر اعلی خیبر پختونخواہ پرویز خٹک کے ہمراہ سانحہ بڈھ بیرمیں ہونے والے زخمیوں کی عیادت کے لیے سی ایم ایچ پہنچے جہاں انہوں نے مریضوں کی عیادت کی اوران سے خیریت بھی دریافت کی ،عیادت کے دوران عمران خان نے مریضوں کو پھولوں کے گلدستے بھی پیش کیے ۔

واضح رہے کہ  پشاور کے قریب انقلاب روڈ پرپاک فضائیہ کے بڈھ بیرکیمپ پر مسلح دہشت گردوں کے حملے میں سیکیورٹی اہلکاروں سمیت 29 افراد شہید اور29 زخمی ہوگئے تھے۔

Category: پاکستان
Published on 26 August 2015

اٹک میں آئل ٹینکر اور مسافر وین میں تصادم سے 8 افراد جاں بحق، 6 زخمی

اٹک: کوہاٹ روڈ پر آئل ٹینکر اور مسافر وی کے درمیان تصادم کے نتیجے میں 8 افراد جاں بحق جب کہ 6 زخمی ہوگئے۔ 

ایکسپریس نیوز کے مطابق اٹک کی تحصیل جنڈ کے علاقے ڈھوک عنایت کے مٹھیال چوک کے قریب کوہاٹ روڈ پر تیز رفتار آئل ٹینکرز مخالف سمت سے آنے والی مسافر وین سے جا ٹکرایا، حادثے کے نتیجے میں 6 افراد موقع پر ہی جاں بحق جب کہ 8 زخمی ہوگئے۔حادثے کے بعد مقامی لوگوں نے اپنی مدد آپ کے تحت تحصیل ہیڈ کوارٹراسپتال پنڈی گھیب پہنچایا، جہاں مزید 2 زخمی دم توڑ گئے جب کہ دیگرزخمیوں کی حالت بھی تشویشناک بتائی جارہی ہے۔

پولیس کا کہنا ہے کہ حادثہ آئل ٹینکرکے ڈرائیورکی مجرمانہ غفلت کا نتیجہ معلوم ہوتا ہے تاہم پولیس نے مقدمہ درج کرکے تحقیقات شروع کردی ہیں۔